Meisterpianist møter elektronikapionér

 

BUGGE WESSELTOFT tangentar, elektronikk HENRIK SCHWARZ elektronikk

 

Bugge Wesseltoft: meisterpianist, plateselskapgründer, oppfinnar av nye jazz-sjangrar, og stadig nyfiken utforskar i musikken. Henrik Schwarz: elektronikapioner og teknoprodusent som har jobba mellom anna med Coldplay og Mary J Blige. At to store artistar med sans for nyskapande elektronisk musikk fann kvarandre er nok ikkje så rart, at det vart ein telepatisk symbiose i både studio og på scena er ein kjærkommen bonus. Duoplate nummer to kom i 2022, til Nattjazz kjem dei med blanke ark og musikk laga der og då. Ei bokstavleg talt unik oppleving ventar.