Singer-songwriterpianist frå øverste hylle

 

RACHEL ECKROTH piano, vokal TIM LEFEBVRE bass CHRISTIAN EUMAN trommer

 

Etter å ha traktert tangentane hjå St Vincent, Rufus Wainwright, Chris Botti og KT Tunstall dei siste åra, er det på tide at Grammynominerte singer-songwriter Rachel Eckroth kjem seg fremst på scena igjen. Pandemien stoppa turneringa, men ho og partner Tim Lefebvre (David Bowie, Tedeschi Trucks Band) har brukt tida godt, og slapp i 2021 Grammynominerte The Garden. Variert og vedunderleg  – ver budd på alt frå PJ Harvey-aktig pop til intense lydteksturer.