MARIAM WALLENTIN vokal HILDEGUNN ØISETH trompet, bukkehorn BØRGE FJORDHEIM trommer GRO AUSTGULEN fiolin KJETIL MØSTER saksofonar CARMEN BÓVEDA cello TERJE ISUNGSET perkusjon ARNE TOIVO SANDBERG bass ANDERS HANA gitar JULIE ROKSETH harpe

 

Då svenske Mariam Wallentin spelte på Nattjazz under aliaset Mariam the Believer, var musikken så inderleg og intens at det nesten gjorde fysisk vondt kvar gong ein låt tok slutt. Med Wildbirds & Peacedrums tok ho nærast over verda, og den minimalist-geniale duoen har turnert jorda rundt framfor ei stadig veksande fanskare. Legg til storbandstøy med Fire!Orchestra, samarbeid med Susanna Wallumrød og Lykke Li, samt musikk til serien Raised by Wolves, og du har ein artist som så tydeleg går sine eigne vegar samstundes som ho legg igjen vakker og viktig musikk. I samarbeid med Vestnorsk Jazzensemble og regionale musikarar kjem ho no med ein større produksjon dels basert på nye arrangement av gamle låtar, dels nye komposisjonar.