Istanbul fusion!

 

Miks tyrkisk folk, psykedelia, surfmusikk og nittitalsrock i noko som må vera den meir bisarre sida av verdsmusikken, legg til ei røyst kraftig nok til å slå ut seismiske instrument, og du har noko som minnar om Gaye Su Akyol. Eksentrisk og ekstravagant med eit ekstremt scenenærvær, miksar ho tyrkiske og vestlege klangar saman med eit virtuost og telepatisk samspelt band. Samstundes er ho tydeleg i opposisjon til autoritære regimer og politisk og aktiv i støtta til LGBTQ+. Det skin klart gjennom i tekstane hennar, som også leikar med mytiske forteljingar og superheltetema. Pitchfork: "Her voice is a mesmerizing thing, deep and plummy enough to shake trees and stir hearts."