Melodisk monstertrio!

 

EYOLF DALE piano PER ZANUSSI bass AUDUN KLEIVE trommer

 

Med rytmeseksjonen frå Wolf Valley-bandet sitt, kjem Eyolf Dale med ein tradisjonell pianotrio fylt med utradisjonelle musikarar. Frå Terje Rypdal til Jøkleba har trommeslagar Audun Kleive på over 200 plater forbløffa og inspirert fleire generasjonar lyttarar og musikarar, medan Per Zanussi sjonglerer både eigne ensemble og livet som rockestjerne i Wunderkammer. Eyolf Dale sjølv er ekspert i å veva intrikate, melodiske nett, med rom for uventa omvegar. Tett samspel, syngande og samspelt!